 |
| PD - Partido Democratico |
Dili, Forum Haksesuk (FH). Partido Democratico (PD) liu husi deklarasaun iha debate Orçamento Geral Estado (OGE) ba tinan 2017, ható preokupasaun konaba posisaun Estadu la sosa Asaun ka Saham ne’ebe empresa , hamutuk 54 % husi total Asaun Timor Telecom (TT). Tuir mai cita deklarasaun PD nian,
"Governu mos seidauk sériu hodi diversifika osan mina nian, liu-liu halo investimentu iha rai laran. Governu la iha vontade diak ka la sériu atu buka fontes de reseita seluk nebe pontensial teb-tebes, por exemplu halo investimentu iha área telekomunikasaun, hodi sosa Timor Telecom. Tuir Partido Democrático nia haree katak, Timor Telecom nudar fontes de reseitas potensial ba nasaun, tanba iha projetu lubun ida iha Timor Telecom, hanesan projetu telefone, Fibraóptika ho kabú submarinu, nebe bele hatama osan bot ba kofre Estadu nian, iha tempu badak nia laran (TVTL, 23/11/2016)".
Hatan preokupasaun PD nian, Governo liu husi Vice Ministro das Finanças (MF) deklara katak, "Defende Liberalizasaun Governo Timor La Sosa Asaun TT (Jornal Independente, 25/11/2016, pajs.1 @ 11)". Hatutan Vice Ministro Helder Lopes, "maski la sosa, maibe Estado Timor-Leste iha asaun hamutuk 22 % iha TT nia laran (idem)".
Molok Governo hola decizaun la sosa Asaun OI iha TT, Conselho de Ministro (CdM) kria Komisaun Ad Hoc ida ba halo estudos konaba wainhira sosa asaun OI iha TT.
Ekipa ad hoc ne’e lidera husi Vice Ministro Finanças Helder Lopes no Vice Ministro Obras Públicas Transportes no Comunicação (MOPTC) Inancio Moreira. Relatorio rua (2) ne’ebe la hanesan, ható ba CdM hodi decide. Ekipa Teknikas husi MOPTC, konklusaun husi estudus rekomendasaun mak: "Sosa Asaun OI nian iha TT". Enquanto rekomendasaun ekipa husi Ministerio Finanças mak: "Liberalizasaun no la viavel sosa asaun OI iha TT".
Sem comentários:
Enviar um comentário
Nota: só um membro deste blogue pode publicar um comentário.