VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20090126

RESPOSTA BA JOSÉ FREITAS ESTUDANTE IHA MALAYSIA

Hatan ba maun-alin José Freitas – Timor oan Estudante iha Malaysia

Forum-Haksesuk

Molok atu hahu hatan ba maun ka alin José Freitas, la haluha atu hato’o editores Forum-Haksesuk nian Haksolok Tinan Foun 2009 no ami hotu nian saudasoins ba maun-alin sira tomak nebee estuda iha ema nian rain Malaysia neba.
Hodi naran Editor sira Forum-Haksesuk nian ha’u hato’o ami hotu nian deskulpa karik lia-fuan balun nebee ami habelar liu media FH xoke maun-alin sira nian laran. Se karik imi hotu estudantes bolseiros sira laran kanek ami husu deskulpa!

Maibe ha’u atu fo hatene ba maun-alin sira katak FH hatun no habelar informasaun kona ba prosesu atu hetan bolsu hosi PETRONAS la’os FH mak fonte prinsipal. Iha ami nian hakerek hatudu klaru loos katak FH iha Dili foti notisias hosi Timor Post (TP), STL no Jornal Diario Nasional (JDN). Karik maun-alin sira bele konfirma ba media hirak nee hodi nunee ita la bele dun malu arbiru.

Forum-Haksesuk la reprezenta partido A ka B, la reprezenta governo A ka B, nune’e mos editores FH la representa partido ka governo ruma, lae maun-alin sira. FH apenas meio ida nebee halibur ema ho espirito voluntarismo atu fo hanoin tuir ida-idak nian observasaun, analises, interpretasaun no argumentasaun ba ninian hanoin kona ba situasaun nebee ita hotu nian rain no emar hasoru. Editores FH la’os ema seluk, hanesan mos maun-alin sira iha Malaysia, se karik imi estudantes buka matenek iha ema nian rain maka ita hanesan senasib dan seperjuangan demi kejayaan masyarakat dan Rakyat kita Timor-Leste.

Kona ba prosesu selesaun ba bolsa estudus nian nebee PETRONAS promove, maun-alin José Freitas konfirma iha maun-alin JF nian hakerek, katak PM Mari Alkatiri iha biban nebaa halo politika favoresimentu, konfirmasaun ida nebee maun ka alin José Freitas hakerek :

ita tenki hanoin tamba sa mak iha tempo nebe PETRONAS simu duni ema nain rua nebe proposta husi Governo iha tempo neba?”

primeiro, bolsa se karik mak PETRONAS iha tempo neba la simu ema nain rua nebe proposta husi Governo iha tempo neba, kemunkinan besar sira nain lima nebe hetan tiha ona bolsa de estudo PETRONAS nian sei la ba hotu. tamba ita hotu hatene oinsa lideransa Governo konstitusional primerio iha tempo neba, entaun Petronas TENKI simu proposta hatama ema nain rua ne;e mos atu nune sira nain lima bele ba duni Malaysia hodi Kontinua escola. tamba primerio ministro alkatiri nian Gabinete iha tempo neba Pending tiha estudantes sira nian departure ba Malaysia hodi hein resultado husi petronas ba sira nian Proposta ne'e. Embaixada Malaysia iha tempo neba hatudo rasik mai ami surat ida nebe haruka husi Gabinete Primerio Ministro nebe haruka pending tiha ami nian departure ba Malaysia. iha tempo neba ami hotu senti stress. ami Plano atu ba hasoru Chefe Do governo iha tempo neba. ami hakarak husu ba nian, tansa mak nian rasik pending tiha ami nain flight? maibe ikus mai PETRONAS simu duni ema nain rua nebe proposta husi Governo iha tempo neba, i ami hotu bele mai kontinua ami nian estudo iha Malaysia. entaun hakarak dehan katak: se mak la tuir irregulidade iha tempo neba? Governo Fretilin rasik mak la tuir Reguladidade iha tempo neba”.

Ba Forum-Haksesuk, notisia importante maka maun-alin José Freitas konfirma iha leten nee, ida Governo Fretilin hakat tuir dalan irregularidades iha prosesu selesaun ba kandidatus maun-alin Timor oan sira nebee atu ba estuda iha li’ur (Malaysia). Tanba pratika favoresimentu la’os prosedimento nebee normal tuir norma demokratika no mos la’os forma nebee justa. Basaa, kria presedente nebee la diak, kria injustisa atu hetan asesu ba estudus hodi hetan matenek. Pratika Favoresimentu so benefisia grupu eleite politikus sira nebee moral la iha hodi eskolha dalan nee ba nian familia. Favoresimentu mos halo jogu nepotismu, tanba ida nee mak FH rasik buka habelar notisia nebee TP, STL no JDN fo sai. Tanba FH nian ejistensia atu kombate pratikas imorais no anti-demokratikus hirak nee.

Ne’eduni, ami husu ba maun ka alin sira nebee estuda, hodi buka matenek iha Malaysia atu maun ka alin sira kompreende ami. Editores sira iha FH la iha intensaun atu diskrimina maun-alin sira nebee estuda iha Malaysia. Ami mos la dun imi hotu-hotu ema boot sira nian ona, lae maun-alin sira. Mesmo sira nebee governo iha biban nebaa titip hodi la tuir testes ba konhesimentu sientifiku, ba ami, ami konsidera sira la iha sala.

Se karik maun-alin sira la satisfeitu (puas) ho ha’u nian resposta nee, imi bele hakerek hikas mai FH atu ami bele esklarese liu tan duvidas nebee maun-alin sira iha kona ba asuntu ida nee ka bele mos hakerek imi nian hanoin ruma kona ba ita hotu nian lia boot, maun-alin sira bele hakerek no hato’o mai atu ami bele divulga ka habelar liu Forum-Haksesuk.
Maun ka alin José Freitas favor ida hato’o ami nian resposta nee ba sira seluk.

Ikus liu, molok atu taka hakerek ida nee, lori FH no editores sira nian naran hato’o kumprimentus no hakoak boot ba maun-alin sira tomak iha Malaysia. No la haluha atu maun-alin sira estuda didiak hodi foti ita Rain Doben Timor-Leste !!!!

Obrigado ba atensaun no konsiderasaun ha’u despede.

Victor Tavares
Editor Forum Haksesuk

Sem comentários:

Enviar um comentário

Nota: só um membro deste blogue pode publicar um comentário.