VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
Bloku Unidade Popular Associação Popular Monarquia Timorense Kmanek Haburas Unidade Nasional Timor Oan Partido Esperança da Pátria Partido Socialista de Timor Partido Desenvolvimento Popular Congresso Nacional para a Reconstrução de Timor-Leste Partido Republicano União Democrática Timorense Partido Democrata Cristão Partidu Movimento Libertasaun Povu Maubere Partidu Libertasaun Popular Partido Democratico União Nacional Democrática de Resistência Timorense Partido Unidade Desenvolvimento Democrático Partido Timorense Democratico Frenti-Mudança Partido Social Democrata Centro Ação Social Democrata Timorense Partido do Desenvolvimento Nacional Frente Revolucionaria de Timor-Leste Independente
NICOLAU LOBATO
“O povo de Timor-Leste está reconstruindo com o seu próprio suor, com o seu próprio sangue uma pátria revolucionaria democrática, uma terra livre para gente livre”.

Espelho da Realidade
A Esperança Nunca Morre
TIMOR-LESTE



Interview with Fernando Lasama de Araujo: On the road to democracy, where the streets have no name
POVU NIA LIAN
Bazeia Polemika Iha Publiku, Deputadu sira Kansela Leilaun Prado
Estraga Karreta 12, MUTL Husu PNTL Investiga
Membru PNTL Asalta UNTL
Lejislatura Da-haat Mak Sei Ezekuta Kareta Prado

 
 
   

sábado, 6 de dezembro de 2008

DESIZAUN TR ILEGAL - INKONSTITUSIONAL

Filipe Rodrigues Pereira

Ironika, lia-fuan ne'e mak dalaruma pas atu fo'o ba'a Tribunal de Rekursu (TR) ho ninia juiz sira relasiona ho segundu desizaun nebe'e mak TR hasai iha dia 13 November 2008 sobre keixa nebe'e partidus opozisaun sira hatama kontra desizaun politika maioria parlamentar nebe'e valida OR (Orsamento Rektifikativu) no FEE (Fundos Estabilizasaun Ekonomika). Segundu desizaun TR nian ne'e hadok-a'an husi aspeitu etika no moral, segundu desizaun ne'e mos leno ba'a publiku katak instituisaun nebe'e mak durante ne'e ema barak tau fiar sai nudar ponte atu lori justisa ba'a komunidade nasaun ne'e nian hamosu fali disizaun nebe'e absolutamente kontroversial. La'os deit kontroversial, segundu desizaun TR nian ne'e bele mos konsidera nudar desizaun ida illegal no inkonstitusional.

Tuir informasaun nebe'e namlekar dehan, juiz balun iha TR dehan deit tamba primeiro desizaun TR nian fulan hirak liu ba'a sidauk publika iha Jornal da Republika (JR) maka primeiru desizaun fulan hirak liu ba'a ne'e sidauk iha efeitu legal. Ho razaun hanesan ne'e hatudu katak juiz iha TR la hatudu sira nia responsabilidade moral atu asegura primeiru desizaun nebe'e TR hakotu. Se juiz TR sira iha resposabilidade moral maka lolos sira tempu neba'a haruka surat ba'a governo hodi husu no fo'o hanoin governo atu publika primeiru desizaun TR nian iha JR, la'os julga fila-fali kazu ne'e hodi hatolun desizaun foun.

Desizaun foun TR nian ne'e hamosu polemika bo'ot iha sosiadade nia let. Saida tan mak akontese iha vida politika no sosial Timorense?! Nudar ita hotu hatene katak fulan Septembro liu ba'a juiz TR tetu no hakotu oin ida, agora dadaun fali juiz sira iha mesmu Tribunal tetu no hakotu oin seluk. Fenomena saida los?! Krizi institusional?! Krizi justisa?! Politizasaun justisa husi justisa-nain sira?!

Segundo desizaun TR nian bele konsidera nudar desizaun illegal tamba iha pontos barak mak hatudu ilegalidade desizaun ne'e nian. Nudar ema hotu hatene katak keixa ida labele julga ba'a dala rua iha ao mesmu tribunal. Relasiona ho kazu ne'e, lei mos la permiti se karik juiz sira iha TR uza razaun hodi dehan katak partidos opozisaun sira tempu neba'a 'naik banding' ba'a primeiro disizaun TR nian, maka juiz TR sira julga fila-fali kazu ne'e ba'a dala rua. Naik Banding so bele halo no hasa'e ba'a nivel tribunal nebe'e iha Tribunal Rekursu nia leten. Tamba ne'e maka primeiro desizaun TR nian kona ba'a OR/FEE nebe'e hatolun liu husi presesu de julgamentu konsidera nudar desizaun final.

Julgamentu ba'a kada kazu iha tribunal akontese se wainhira iha sidadaun ka grupus ruma hatama keixa. Hodi keixa nebe'e mak tribunal simu maka tribunal buka atu julga. Tribunal la iha k'nar atu tu-tur deit ka teki-teki hola inisiativa atu julga kazu ida. Mosu mos iregularidades seluk hanesan kestoins publiku nebe'e hateten katak se karik juiz Claudio Ximenes delega ona provisoriamente ninia kargu ba'a juiz Ivo Rosa, nusa mak juiz Claudio tenki asina mos segundu desizaun TR nian? Wainhira juiz Claudio entrega ona ninia kargu nudar presidente TR ba'a juiz Ivo Rosa maka la devia juiz Claudio hola partisipasaun asina segundu desizaun nebe'e TR hasai. Wainhira juiz Claudio delega tiha ninia k'nar ba'a juiz Ivo Rosa maka tuir lei no etika asinatura juiz Claudio ne'e validu?!
Mosu mos tan kestoins seluk kona ba'a prosedimentu delegasaun de trabalhos nebe'e juiz Claudio halo hodi entrega ninia k'nar nudar presidente TR ba'a juiz Ivo Rosa nebe'e mak halo internalmente 'simples'. Prosesu de substituisaun presidente TR bele halo internalmente iha Tribunal de Rekursu ninia laran ka tenki hetan aseitasaun husi Presidente da Republika ka Parlamento Nasional?! Se ita halo komparasaun, iha nasaun ne'e Presidente da Republika atu sai ba'a rai-leur tenki husu autorizasaun no ka iha conhecimento ba'a no husi PN, maibe aksaun substituisaun presidente da instituisaun seberanu nasaun ida nian, presidente Tribunal de Rekursu halao ho metodu ida mais 'simples'. Relasiona ho prosesu de substituisaun ne'e hamosu mos kestoins seluk, Timor-Leste iha ninia soberania ka lae?, tamba realidade hatudu iha ema estrangeiru ida bele sai no halao k'nar nudar presidente ba'a instituisaun seberanu nasaun ne'e nian. Lei permite atu ema estrageiru ida bele kaer k'nar nudar presidente ba'a instituisaun soberanu nasaun ne'e nian?

Hare ba'a aksaun juiz sira iha TR relasiona ho desizaun TR nian sobre OR/FEE, aksaun ida nebe'e mos mak hanesan juiz Claudio delega hela ninia knar hodi ba'a trata ninia saude iha Portugal maka Hakerek'nain hakarak fo'o mos hanoin katak, kada presesu de julgamentu iha nasaun nebe'e deit tenki halo iha meza de julgamento, li-liu tenki halo iha tribunal, la'os hospital. Tamba ne'e wainhira hare ba'a desizaun foun TR nian kona ba'a keixa OR/FEE ne'e, hatudu momos ba'a publiku katak juiz ho naran Claudio Ximenes nebe'e asina mos segundu desizaun TR nian la inklui ninia-a'an iha prosesu de julgamento nebe'e refere iha leten, juiz Claudio la tuir julga (ikut mengadili). Se la tuir prosesu de julgamentu tamba sa'a mak juiz Claudio mos tenki asina?! Se juiz Claudio la tuir prosesu de julgamentu maka lolos juiz Claudio labele asina desizaun nebe'e mak nia rasik la hola-parte. Mosu perguntas simples kona ba'a juiz sira nia k'nar, "se o la julga nusa mak o bele barani justifika ema nia sala". Aksaun juiz Claudio nian nebe'e participa asina mos segundu desizaun TR kona ba'a keixa OR/FEE nian, maibe nia rasik la hola-parte iha prosesu de julgamentu hatudu katak juiz Claudio viola etika profisaun universal juizis nian.

Wainhira hakait mos segundo desizaun TR nian ho konstituisaun RDTL artigu 149 (2), maka segundu desizaun TR nebe'e refere iha leten bele kondena nudar desizaun inkonstitusional. Artigu 149 (2) haklaken mos katak tribunal tenki tesi no hatu'un ninia desizaun ba'a keixa nebe'e mak tribunal simu iha prazu 25 dias nia laran. Presesu no segundu desizaun TR nian relasiona ho keixa husi partidus opozisaun liu tiha ona prazu nebe'e konstituisaun haruka.

Maibe wainhira mos hare fali ba'a kotuk, wainhira Presidente da Republika fo'o sai ba'a publiku katak PR promulga ona Orsamento Rektifikativu nebe'e hetan validasaun husi Parlamento Nasional maka lolos TR foti desizaun hodi dehan katak keixa nebe'e mak Partidos Opozisaun sira hatama iha tempu neba'a nebe'e mak kontra desizaun politika maioria parlamentar legalmente la razoavel tamba PR promulga ona OR/FEE. Partidos Opozisaun lolos tempu neba'a mos buka atu hatama keixa foun ba'a TR hodi kontra promulgasaun nebe'e Presidente da Republika halo. Wainhira la'iha keixa ba'a tribunal kontra desizaun promulgasaun PR ba'a OR/FEE maka governo bele responsabiliza legalmente no konstitusionalmente ekzekutasaun orsamento nebe'e mak governo halo ona dadaun to'o taka tinan fiskal 2008. Ho lian seluk hakarak hateten katak governo legalmente ekzekuta orsamento bazeia-a'an ba'a promulgasaun PR nian, tribunal sidauk kondena katak promulgasaun PR nian ne'e illegal no inkonstitusional.

Ho problemas nebe'e mak mosu relasiona ho desizaun Tribunal Rekursu nian la siknifika mos katak governo la halo sala. Governu tenki responsabiliza ba'a publiku tamba sa maka primeiro desizaun TR nian iha fulan hirak liu ba'a la publika iha Jornal da Republika? Relasiona ho problema JR ne'e, governo tenki buka atu hatene instituisaun nebe'e maka responsabiliza publikasaun JR nian. Tamba sa mak la publika?! Iha sabotase politika?! Parlamento Nasional nudar representasaun povu nian iha obrigasaun atu bolu governu atu ba'a hatan kazu ne'e iha uma-fukun PN.

Kona ba'a Jornal da Republika, se karik Timor-Leste sidauk iha lei nebe'e mak atu maneija no implementa kada produtu legislativa, bazeia-a'an ba'a artigu 165 Konstituisaun RDTL maka durante Timor-Leste sidauk iha lei nebe'e sufisiente, Timor-Leste bele uza lei anterior Indonesia nian. Bazeia ba'a lei Indonesia nian maka kada produsaun legislativa presiza regista iha Jornal da Republika (Lembaran Negara) atu hodi hetan ninia efeitu legal. Wainhira produtu lei ida hetan ona numeru registasaun iha JR maka siknifika katak produsaun lei ne'e publika ona ba'a publiku, ou siknifika ona katak publiku formalmente está conhecido kona ba'a lei nebe'e mak instituisaun iha nasaun ne'e hasai. La presiza publika tuir ema balun nia interpretasaun, maibe presiza atu regista deit.

Kona ba'a segundu deszaun TR nian ne'e, antes ne'e hare katak hot-hotu la imagina, nune'e mos juiz sira iha TR la imagina ba'a buat nebe'e mak agora dadaun akontese. Hanesan juiz TR balun dehan tamba primeiro desizaun TR nian sidauk publika iha JR maka desizaun liu ba'a ne'e sidauk iha ninia efeitu legal. Agora dadaun governo mos uza razaun ida hanesan hodi hatan hasoru segundu desizaun TR nian hodi hateten, tamba segundu desizaun TR sidauk publika iha JR maka governo mos laiha conhecimentu formal, e nune'e desizaun foun ne'e sidauk iha ninia efeitu legal. Grave tebes wainhira mosu argumetos legal no politikas ida hanesan ne'e. Estadu atu lori nasaun no povu rai ne'e ba'a los nebe'e?!

Hare ba'a kondisaun nebe'e bili-bala a'an, instituisaun seberanu nasaun ne'e nian iha dever no obrigasaun atu halao aksaun imediata ida atu hatan segundu desizaun TR nian. Instituisaun soberania iha nasaun ne'e, li-liu Presidente da Republika presiza toma inisiativa hodi halo konsulta ho Parlamento Nasional atu nune'e bele buka solusaun legal ba'a problema ne'e. Estadu la bele husik nasaun no povu rai ne'e moris iha kondisaun bili-bala (tidak menentu) nia laran. Husik desizaun tribunal nian sai nudar arkivu deit tamba la iha forsa ekzekutativu maka sei bele sai presidente la diak iha futuru. Husik no budu desizaun tribunal nian sai nudar arkivu bele loke mos cela atu politika-nain sira politiza no utiliza desizaun instituisaun justisa nian.

Hare ba'a kondisaun henesan temi iha leten, Hakerek'nain sugere atu institusaun seberania iha nasaun ne'e hola medidas hodi estabelese grupu Juiz Ad-Hoc Independente ida hodi halo presesu de julgamentu ba'a segundu desizaun TR nian nebe'e kontroversial. Wainhira Juiz Ad-Hoc deside katak segundu desizaun TR nian ne'e los maka governo iha obrigasaun atu kumpri. Maibe, se wainhira segundu desizaun TR nian ne'e viola lei no konstituisaun maka Juiz Ad-Hoc presiza hasai desizaun tribunal hodi hakansela segundu desizaun TR sobre OR/FEE nian nebe'e mak agora dadaun sai polemika bo'ot iha sosiadade nia let. ***End***

Sem comentários:

Enviar um comentário

Nota: só um membro deste blogue pode publicar um comentário.